Eru fjárglæframenn á sérsamningi hjá ríkisstjórn Íslands??

Hvenær ætla yfirvöld hér að brjóta ísinn og stinga þessum kónum inn, hvað þarf eiginlega til ???  Svona nokkuð þekkist hvergi í hinum siðmenntaða heimi, nema kannske í gjörspilltum þriðja heims einræðisríkjum þar sem glæpahyskið og kúgararnir eru eitt og hið sama....  Tek undir það sem einn ágætur bloggari benti á, 20-30 manns eru að rannsaka glæpsamleg athæfi tengdum hruninu en 200 manns í vinnu við að undirbúa inngöngu í ESB (????)  Forgangurinn er sem sagt að flýta fyrir að selja okkur í kjaftinn á gamla stálbandalaginu frekar en að taka ákvörðun um að láta réttlætismál er varðar alla þjóðina ganga fyrir.

Í þessu alvarlegasta máli (er varðar þjóðargjaldþrot) sem þjóðin hefur nokkru sinni glímt við frá stofnun lýðveldisins, virðist mér ríkisstjórn þessa lands (einnig sú sem var á undan) helst líkjast mannveru í hjólastól sem er bundin og kefluð og mikið ef hún er ekki líka komin á svefnlyf.

Bræðurnir seldu sjálfum sér Lyf og heilsu

Hvað á þjóðin að þola þetta lengi ?????

Getur þetta lið ekki drullast til að skilja hvað er í gangi!!!!!!  það þarf að hreinsa til alls staðar, út með einkavinavæðingu, burt með ófaglegar ráðningar, þið sem hafið þetta á samviskunni, komið ykkur út áður en ykkur verður hent út!!!!!!!!!

Skuldar milljarða og eiginkona forstjórans í bankaráði

Rétt þýðing á reckless?

Líklega vitlaust þýtt á Mbl.is að mínu mati: orðið "ófyrirleitinn" sem þýðing á 'reckless' er ekki rétt, orðið 'reckless' þýðir eiginlega 'fífldjarfur' 'sá sem skeytir ekki um aðvaranir og áhættu heldur fer sínu fram'. Sá sem er ófyrirleitinn er 'devious'. Íslendingar eru að vísu "the bad guy" í augum heimsins í bili en líka fínt að magna það ekki upp enn frekar..

NYT: Ísland og IMF

Stækkunargler á þetta!

Í mál við "sjálfa sig"?? Ég hef ekki lykilupplýsingar um málið en það lítur helst út fyrir að menn ætli að moka upp skítinn eftir sjálfa sig en bíðum við - hvar á að landa skítnum? Nú þarf Sherlock Óli að taka upp stækkunarglerið...

Vill milljarða af Björgólfsfeðgum

Til skammar

þetta er nú ekki til fyrirmyndar, frekar þeim til skammar sem þetta drýgðu. Þótt fólk sé ekki sammála jafn umdeildum manni sem Davíð var (og er), fyrr má nú vera, alveg óþarfi að missa sig í svona rugli. Þeir hinir sömu ættu að vanda sig betur, næst þegar þeir velja "viðfangsefni", þeas. ef þeir telja þetta vera leið til vænlegs árangurs. Davíð er nefnilega ekki sá sem kom okkur okkur á kaldan klaka, það voru þeir sem fengu bankana uppí hendurnar og kunnu ekki með þá að fara, tóku lán til að lána og ofurlauna sjálfa sig og vini sína.

Egg og níð á hús Davíðs

Ísland í ESB eina leiðin

Eina leið okkar til að komast aftur "til manna" í samfélagi þjóðanna er að ganga í ESB, bandalag sem hefur sameiginlega hagsmuni að leiðarljósi, sem mun hafa í för mér sér nauðsynlegt aðhald og aga í allri stjórnsýslu og dregur vonandi úr óeðlilegum hagsmunatengslum og annarri spillingu sem verið hefur landlæg innan íslenska stjórnkerfisins, kerfis sem stóðst ekki álagið þegar á reyndi.

Margt ljótt hefur verið sagt um ESB, öllu stýrt frá Brussel, nýlenduveldi hins illa sem gleypir litlu þjóðirnar osfrv. en slíkur málflutningur lyktar mjög af hræðsluáróðri. Landið verður ekkert flutt í burtu, við erum ennþá út í miðju Norður-Atlandshafi, við munum halda áfram að veiða fisk, bræða ál og ekki síst virkja og selja græna orku, orkugeirinn er framtíðin, okkar gull og það verður að tryggja að spilltir einstaklingar komist ekki að kötlunum.

Auðvitað verður á brattann að sækja í byrjun en þá er bara að taka á honum stóra sínum, þetta hefst með þrautseigjunni, við Íslendingar erum ekki þekktir fyrir uppgjöf. Eitt skilyrðið fyrir því að við verðum tekin inn í ESB er það að við samþykkjum IceSave samninginn og það blasir við hvort sem okkur líkar betur eða verr, að ef við ekki gerum það munum við sitja ein eftir í eymdinni, ekki einu sinni grannar okkar, Norðmenn, Danir, Svíar eða Finnar munu lyfta litla fingri okkur til hjálpar, þeim er nokk sama, "litli óvitinn" þarf á lexíu að halda og þangað til verður hann geymdur í skammarkróknum! Ég vil bæta því við að IceSave samningurinn þarf ekki að þýða að hér sökkvi allt endanlega í kaf og að við séum bara að kaupa okkur hengingarfrest. Það eru nefnilega menn (sakamenn) þarna úti sem báru ábyrgð á efnahagshruni Íslands og eins gott að sérstakur saksóknari fari í saumana á þeirra högum, þeas. hversu miklu var komið undan og það tekið til baka uppí skuldina sem allra fyrst, þjóðin gerir kröfu til þess. Takið eftir að Rússar láta Interpol elta svona kauða uppi og það jafnvel þótt þeir séu enn í stöðu grunaðra. En nú er það ESB sem er málið í dag, við ætlum ekki að láta það gerast að Ísland breytist í þjóðfélag einangrunar og stöðnunar, þeir þingmenn sem greiddu atkvæði sitt með tillögunni í dag sýndu hugrekki (og jafnvel þeir sem sátu hjá). þetta er fyrsta skrefið í áttina að endurreisninni á Ísland, annað er skref afturá bak.

Þetta er alveg að koma...

Já, nú fer ballið vonandi að byrja af fullri alvöru, smálaxar hér og þar sem er svo sem ágætt í byrjun en í guðanna bænum: Stórlaxarnir eru líka þarna innan um að svamla (þið vitið hverjir), girðið fyrir svo þeir sleppi ekki úr ánni! eða er það kannske markmiðið að láta þá sleppa? Íslendingar! sýnum nú nágrannaþjóðum okkar í eitt skipti fyrir öll að það borgar sig ekki að setja heilt þjóðfélag á hausinn, FORSPRAKKANA Á BAK VIÐ LÁS OG SLÁ NÚNA! Þeir ganga flestir lausir einhverra hluta vegna og því lengur sem þetta er látið reka á reiðanum þeim mun erfiðara verður að leiða þetta til lykta. Vilji er allt sem þarf sagði einhver góður maður, held að það hafi reyndar verið sjálfstæðismaður...

Ég legg svo til að Seðlabankinn verði nýttur sem dýflissa, ekki þarf annað en að "innrétta" nokkra klefa þarna niðri, enda lítil þörf fyrir þetta húsnæði nú þegar gjaldeyrisforðinn er uppétinn og krónan verðlaus...

Húsleit á níu stöðum